رواية غرام ورسلان

وتنضرب وانت ساكت
يوسف يا رسلان انت بتغلط 
رسلان لأ مش بغلط هي اللي فضلت شغلها عليا 
يوسف طب ما انت فضلت شغلك عليها ايه الجديد انتوا الإتنين متساويين هيحصل ايه لو انت سبت شغلك وهي بات شغلها وهيحصل ايه لو اشتغلتوا مع بعض 
رسلان بسخريه أبدا الأستاذه هتمشيني على مزاجها بس 
يوسف يووووه انت حر وسأله ومشي 

رسلان قعد مضايق ومخڼوق 
في مكتب ركان 
ركان الواد اللي ضړبك بالسکينه أنا جبته وعلمته الأدب 
غرام طول عمرك سداد يا شبح 
ركان عيب عليكي ده انتي أختي يا هبله وأنا مستحيل أسمح لحد يئذيكي
يتبع
٢٥
ركان عيب عليكي ده انتي أختي يا هبله وأنا مستحيل أسمح لحد يئذيكي
غرام تسلملي يا حبيبي 
فجأه باب المكتب اتفتح پعنف وكان رسلان بصلهم بضيق وڠضب چحيمي أظن إن مفيش وقت للقعدات والغراميات والكلام الفاضي ده 
غرام ببرود وهي بتريح ضهرها على الكرسي وبتلعب بالقلم في ايدها وبتهز الكرسي يمين وشمال أظن السفر الفجر وحاليا احنا الضهر لسه بدري يا قيصر لو مستعجل أوي امشي انت عشان تجهز نفسك لكن أنا والشبح ماشيين بمقولة ..... وبصت لركان بجنب عيونها 
ركان كمل بهدوء وبرود في التأني السلامه وفي العجله الندامه
بصلهم رسلان بضيق وغيظ وهو حاسس إن بركان هيفرقع في دماغه وسابهم ومشي ورزع الباب وراه 
فضل ركان وغرام باصين للباب شويه وبعدين بصوا لبعض وضحكوا جامد 
ركان بضحك حاسه هيولع فيا منك لله 
غرام بضحك هي كمان أحسن خليه يفلفل 
ركان اااااه من كيد حواء صنف يجيب الأجل والله يلا همشي أنا أروح أنام شويه عشان هنمشي الفجر 
غرام ربنا معاك سلام 
ركان مشي وغرام فضلت قاعده بتخطط تأدب رسلان ازاي وتولعه 
عند رسلان كان في مكتبه عامل زي الأسد الجعان اللي محپوس في قفص وعاوز أي حاجه يفترسها رايح جاي وجاي رايح ودماغه هتفرقع من كتر الڠضب والغيظ ازاي تقوله يا حبيبي قالها ايه خلاها تقوله تسلملي يا حبيبي 
دخل يوسف رسلان إبراهيم باشا طالبك تروحله مكتبه 
رسلان بصله وبرقله جامد نن عيونه اسود كحل والبياض أحمر من كتر الڠضب 
يوسف بصله پخوف وړعب ايه .... هو أنا قولت حاجه غلط .... طب طب أنا أسف سامحني 
وبدأ يرجع بضهره بهدوء عشان يخرج لكن رسلان فجأه مسكه من هدومع من عند رقابته وبرقله جامد أنا هسألك سؤال واحد 
يوسف وهو حاسس إنه هيعيط خلاص من خوفه من شكل
يوسف اسأل ياسيد الناس 
رسلان بصوت يخوف وعيونه بتزيد سواد واحمرار ازاي تقوله يا حبيبي 
يوسف باندفاع قلة أدب يا باشا قلة أدب وسفاله وانحطاط ازاي تقوله يا حبيبي حبها برص وعشره خرس ازاي تقل أدبها وتقوله يا حبيبي دي متربتش ولا شافت بخمس قروش تربيه ولا عدى عليها صنف التربيه وكمل بدموع بس هي مين اللي قالت لمين ايه 
رسلان فجأه ضربه بالبوكس ولما انت مش عارف بتنطق ليه وبتشتم ليه انت عبيط 
يوسف أيوه عبيط .... عبيط وأهبل كمان قولي بس انت عاوز ايه وأنا أنفذه بس أبوس ايدك متضربنيش 
رسلان غور من وشي غووووووووور 
يوسف طلع يجري بسرعه من قدامه خبط في غرام 
غرام فيه انت بتجري كده ليه يا يوسف انت التتار بيجري وراك والا ايه 
يوسف لأ ياختي ده الأسوء من التتار وسابها ومشي 
كل واحد فيهم روح وبدأوا يجهزوا نفسهم وأحوالهم للسفر 
في البيت عند غرام
أحمد بهمس أنا فهمت مامتكم انكم راحين تتفسحوا شهر في اسكندريه وعاكف واخته ومامته وأميمه وأحلام وجنات 
غرام تسلملنا يا أحسن وأجمل أب في الدنيا 
هدخل أنام أنا بقى شويه عشان نصحى بدري يا علوه 
علي ماشي يا روما 
وقاموا ناموا هما كمان
يتبع
٢٦
بدأ صوت أذان الفجر يملى الشوارع والبيوت الصلاة خير من النوم بعد صلاة الفجر والدعاء إن ربنا يوفقهم وإذا حد حصله حاجه ربنا يجعله من الشهداء 
بدأ
 كل واحد فيهم يتحرك واتقابلوا في المطار 
الۏحش غرام 
الشبح ركان 
القيصر رسلان الهكر 
المارد يوسف خبير متفجرات 
ركبوا الطياره وبدأت في الإقلاع وكان فيه بركان بدأ في الفوران وكان رسلان متعصب وڠضبان بسبب إن غرام قاعده جنب ركان
يوسف ممكن تهدى شويه 
رسلان أهدى ازاي انت مش شايف نازلين ضحك وهزار ولا كأننا راحين نلعب مش طالعين مهمه خطيره 
يوسف يا رسلان انت اللي مكابر في الفاضي هيحصل ايه لو تقبلت شغلها واتنازلت عن قراراتك وتحكماتك دي شويه 
رسلان انت عبيط يا يوسف انت عاوزني أتقبل شغلها وابقى مستني أخسرها في أي وقت طب وأعيش من غيرها ازاي 
يوسف هو يعني انت دلوقتي عايش معاها ما انت عايش من غيرها أهو وقادر تعيش وبعدين نفس اللي انت فيه هي فيه زي ما انت مش عاجبك فكرة انك ممكن تخسرها في