رواية بقلم ميادة مأمون
المحتويات
عندك رايحه فين اجعدي كملي وكل
شبعت اني هاطلع ازاكر
مش هاتجولي ايه اللي حصل النهارده خلاكي تسآلي السؤال ده
مافيش يا ديب مافيش
في النادي كان في حوار تاني خالص بين رامي و دينا و عصام
طب بزمتك يا دينا الواد ده مش شكله بيخطط لحاجه.
طبعا دي واضحه اوي قول يا عصام هاه قول متخافش
اقول ايه يا
هبله انتي و هو مافيش حاجه و بعدين انتو عشان هاتتخطبو بقي تتفقو عليا و تعملوني قصتكم
مبروك علي آيه
دي كانت ندي اللي وصلت و وقفت ورا دينا
باركي ليهم يا ندي اصل رامي هايخطب دينا
و الله الف مبروك
رامي بشبه ڠضب
الله يبارك فيكي يلا يا دينا
انتو هاتمشو و لا ايه مش هاتقعدي معايا شويه يا دينا
معلش اصلنا رايحين لقاسم عشان عايزينه في موضوع كده
بس قاسم مشي من الشركة و روح
رد عصام بعد ان لمعت الفكره في رآسه
طب ما تيجو نروح ليه كلنا و نقضي باقي اليوم عنده
من امتي و انت مهتم تزور قاسم يا عصام
اوووووه من زمان قوي قاسم ده حبيبي
و انتي يا ندي
مش هاتروحي المفروض انك لسه مخلصة شغلك يعني تروحي علي بيتك مش تيجي علي النادي
اروح فين يا عم انت انا ايه اللي يقعدني وسط دوشة اخواتي الصغيرين و لا خناق ابويا و امي لاء يا عم انا جايه معاكم
طب يلا بينا بقى
الفصل العاشر
ابتدو يتحركو و ركبت دينا في عربية رامي و ركبت ندي في عربية عصام
بتفكر في ايه يا عصام و مالك مبتسم كده
هاه مافيش حاجه تاخدي سېجارة
هههههههه ماشي مافيش مانع اهي حاجه الواحد ينفخ فيها زهقه
و انتي زهقانه ليه بقي انشاء الله هو مش مديكي ريق حلو اليومين دول و لا ايه
الله شكلك انتي اللي عايشه في الوهم لحد ما هاتفوقي علي كابوس
اضطريت امشي من الشركه بدري و ارجع علي الڤيلا عشان وعد كان عندها درس خصوصي مع المدرس بتاعها
كانت قاعده قصاد عيني في اوضة السفرة بتاخد درس فرنساوى
و اتفاجئت بصراحه بوصولهم للڤيلا
آهلا يا شباب مالكم بتبصولي كده ليه
اصل بصراحه شكلك تحفه في الجلابية الفلاحي دي
هههههه بس دي مش جلابية فلاحي ده جلباب صعيدي يا جفل
هههههههههه تحفه و الله شكلك فيه حلو جدا
قربت ندي مني بجرآه
حبيبي قمر في اي حاجه
نزلت آيدها من علي كتفي و ماهتمتش بيها كالعاده و قعدت
دخلت لينا وعد و هي بتجرى و فرحانه و ماكانتش تعرف ان في حد موجود معايا
قاسم قاسم تعالي عشان المسيو عايزك
آتفاجئت بيهم قاعدين معايا و وقفت مصدومه لما شافت عصام قاعد معانا
الله آنت معاك حد انا اسفه ماكنتش آعرف ان آصحابك هنا
اهلا يا وعد تعالي يا حبيبتي
آهلا بيكي ازيك يا دينا عاملة ايه
مالك يا وعد جايه بتجرى كده ليه
آآصل يا قاسم المسيو عايزك قبل ما يمشي
طب تعالي اما نشوفه عايز ايه
آخدتها تحت دراعي و خرجت بعد ما بصتلها ندي باصه كلها غل و حقد
بقت تعرف تقول مسيو الفلاحه لبست الچينز اللى كانت جاية بجلابية شبه الخادمين
عيب كده يا ندي انا مش فاهمه آنتي ليه مش بتحبيها
عشان بت ....... كده و شايفه نفسها
بالعكس دي لطيفة خالص و كيوت و اذا كان علي الجلابية اللي بتتكلمي عنها
انتي شايفه اهو قاسم معتز بلبسه الصعيدي و قاعد بيه في بيته و لا ايه يا عصام
عصام بعد ان اطمئن من نظرتها بآنها لم تحكي لآخيها بشئ
هاه اه عندك حق يا رامي و بعدين هي قمر في كل حالاتها
دخلنا عليهم تاني و انا مبسوط منها و بضحك آنا و هي
برواڤو عليكي بصراحه ماكنتش متوقع الدرجه دي في الامتحان
شوفت بقي معلش اصلك لسه مش مقدر امكانياتي
هههههه طب يلا يا بتاعت الامكانيات علي فوق
الله ما تسيبها يا قاسم تقعد معانا شويه هو آنت لسه زعلان مني و مش عايزها تتعرف علينا و لا ايه
لاء ابدا يا دينا بس وعد لسه عندها مذاكره
مش كده يا وعد
سكتت
و حنت راسها بزعل و لقيت رامي بيشدني بعيد عنها
لاء مش كده ما تسيبها بقي و ترحمها يا آخي هو طول الوقت مذاكرة
ردت ندي بكرهيه واضحه اوي
خلاص يا جماعه سيبوه علي راحته بقي
هو قالها تطلع المفروض تسمع كلامه مش تقف زي التمثال كده.
اتفجآنا كلنا بكلامها اللي زي السم و شدتها دينا جنبها تقعدها و بصت لندي پغضب
ندي يا ريت لو مش عندك كلمه حلوه يبقي تسكتي آحسن و انتي يا وعد تعالي اقعدي جانبي هنا
وقفت وعد من جانبها و رجعتلي و وقفت قصادي بزعل
لاء آنا مش هاقعد غير لما
متابعة القراءة
