الجزء الثاني رواية كاملة رائعة جدا بقلم مني الفولي

هي ضحكت عليكي لما حسستك أنك الوحيدة المأذية من الحجز على البيت والحقيقة أن هي لوحدها اللي هتترمي في الشارع وقتها.
نهى منصدمة معقولة!
سلمى حاسمة محاولة نزع الغشاوة عن عينيها وبلورة نقط قوتها التي طالما طمسوا معالمها لتغفل عنها طبعا البيت كله مفتوح من مرتبك والايجار ولما الايجار هيروح أنت هيفضل لك مرتبك لكن هي مش يبقى لها دخل من أصله ده غير أن البيت لما هيتحجز عليه البنك هيعرضه في المزاد وهيخصم مديونيته ويرجع لكم باقي ثمنه وطبعا أنت هتاخدي نص المبلغ المتبقي كله ويبقى أن شاء الله مبلغ محترم حتى لو البيت اتباع بالرخص لأن المديونية صغيرة جدا لكن هي مبلغها هيبقى ولا حاجة دي هتاخد تمن اللي أنت هتاخديه بحماسة ترسم لها صورة جديدة لحياة مستقلة لطالما تمنتها لنفسها ولم تهنأ بها سوى لشهور قبل أن تستقرر حياتها بظهور سليم بها يعنى أنت تشتري شقة أو ممكن تأجري شقة صغيرة وتحطي فلوسك وديعة وتعيشي أنت وولادك من العائد مع المرتب وهي اللي تحتاس مش بس عشان مفيش فلوس لا لأنها خسړت الكل محدش بيحبها الجيران مش طايقنها ولادها اتخلوا عنها بعض ماضيعت حقهم وأنت كمان هتبعدي عن ظلمها وافتراها.

نهى مترددة خائڤة أن تصدق الحلم وتحلق لتفجأ بأن جناحيها من شمع ينصهر فتهوي هي وأحلامها أرضا بس أنا كمان مليش حد.
سلمى صادقة أنا جنبك وافتكر كمان أن مدام ابتسام مش تتخلى عنك لو احتجتيها والجيران كمان بيحبوكي هما مكنوش بيحاولوا يساعدوكي أو يدافعوا عنك لأنك أنت عمرك ما حاولتي تدفعي عن نفسك أو تساعديها.
نهى متخاذلة بس أنا مش معي غير الخمس تلاف دول. 
سلمى مفكرة ممكن زمايلك في الشغل يعملوا جمعية كبيرة وتخلي قبضك للاقساط وترتاحي كام شهر عقبال ما تتصرفي واجري المحل اللي جوزك خربه احنا في وسط البلد وهيجيب مبلغ مش قليل ممكن تتصرفي بالف طريقة بس قبل كل ده لازم تضمني أن أي قرش هتدفعيه هيبقى ليكي مش لدعاء.
نهى خائڤة بس دعاء مش هتسكت.
سلمى مشجعة تتمنى لها أن تقوم نهى بما عجزت عنه هي فظروفها مختلفة وميزان القوة بصالحها ولا يربطها إلا خۏفها وتخاذلها عارفة بس كمان مفيش في ايدها حاجة تعملها هي هتسلم لو حست بقوتك حتى لو كنتي خاېفة من جواكي داري خۏفك منها لأنها لو حست بخۏفك مش ترحمك أكتر من الأول لأنها زمان كانت مسيطرة عليكي بناصر دلوقتي هتخنقك عشان متفلتيش من ايديها.
نهى متوترة مش هاقدر أعمل كده.
سلمى مترددة وهي تعي انحدارها ولكن مرار التجربة كان أقوى من تعقلها أنا في حاجة كنت مخبيها عنك بس مضطرة أقولها متلعثمة تتمسك بشتات كذبتها أنت عارفة أني المطبخ بتاعي تحت مطبخ دعاء وبصراحة من فترة سمعتها هي وناصر من المنور كان بيقولها أنها السبب أنه عايز يسيبك لأنه بيحب الست الشخصية وهي خليتك تابعة ليها كان بيقول أنك مش عارفة تربي ولادك وسايبها تتحكم فيكي وفيهم وأنه مش عارف يعيش مع ست مش بتعرف تقول لا وأنه اختار البنت اللي سافر معها دي ما أنه بيحبك أنت عشان هي قوية وبتعرف تجيب حقها وتوقف كل واحد عند حده وأنك لو كنت زيها كان عمره ما سابك وأنه حتى لما كان بيقسى عليكي أو يضربك كان بيستفزك يمكن تاخدي موقف وتجمدي بس للأسف أنت كنت علطول مستسلمة وده اللي زهقه وخلاه عايز يطفش.
بشقة نهى
جلست نهى تتذكر كلمات سلمى فيزداد حقدها على دعاء هي لم تحبها يوما ولكنها اعتادت طاعتها خوفا من بطشها وتقربا من ناصر الذي قرن رضاه برضا أمه ولكن لأول مرة تسمح لنفسها بالتفكير بتصرفات دعاء معها لتتيقن أنها كانت دائما سبب معانتها بدءا بمعاملتها السيئة لها بطفولتها مرورا بكل مراحل حياتها من زواجها لعجزها عن تربية أبناءها كما تريد حتى نبذ ناصر وهجره لها انتفضت مذعورة على صړخ دعاء عليها التي لم تنتبه لاقتحامها شقتها پغضب مستخدمة نسختها الخاصة لمفتاح شقتها. 
دعاء صاړخة بثورة أنت هنا يازفتة وأنا اللي مصدقتش أدم لما قال أنه شافك داخلة البيت من بدري أنا مش قلت لك تيجي علي تطمنيني.
نهى مضطربة وهي ټلعن حظها الذي جعل ابنها يخبر جدته ويحرمها من فرصة تجمع بها شتاتها جيت تعبانة ودخلت شقتي استريح شوية.
دعاء موبخة وهي تحاول استشفاف تأثير تلك الزيارة على ردود أفعالها ربنا يتعب قلبك يا بعيدة ولا تشوفي الراحة ابدا.
نهى مرتبكة ليه كده بتدعي علي عشان تعبانة ودخلت شقتي استريح.
دعاء غاضبة وهي ترى بادرة للتمرد تظهر بالاجواء أنت هتحاسبيني هاقول أيه ومقولش أيه بلهفة اخلصي وقولي عملتي أيه مع المخفية ابتسام يا بت أنت.
نهى مضطربة ادتني خمس تلاف جنيه.
دعاء بسوقية وهي تلكزها محاولة فرض سيطرتها المھددة ياما جاب الغراب لأمه طول عمرها چلدة وأنت طول عمرك غبية معرفتيش تاكلي عقلها.
نهى حانقة كتر خيرها أساسا أنها ادتني هي مش ملزمة بي ولا هو شحات وأنا سيدك.
دعاء وهي تمسكها من شعرها وتحرك رأسها پعنف نابع من خۏفها أن تنساب من بين يديها أنت بتردي علي لو الحرباية دي ملت دماغك أنا ممكن أكسرها لك دلوقتي.
نهى صاړخة وهي تخلص شعرها من بين يديها وتدفعها بعيدا أنت ملكيش علي ضړب وكمان مش هديكي حاجة هي أدتهم لي أنا روحي حلي مشاكلك لوحدك مش على حسابي.
دعاء منصدمة بتزوقيني يا نهى والله لاقول لناصر يكسر عضمك.
نهى مقهورة ساخطة عليها لتيقنها من تسببها لزهده بها وهو فين ناصر خليه يجي لو حتى هيموتني بس ناصر مشي طفش من جبروتك وعمي ماټ وأنت مابقاش ليكي حكم علي.
دعاء متوترة لا طبعا ولا فاكراني هسيبك تمشي على حل شعرك عشان جوزك سافر هو موصيني عليكم وسايبكم في رقبتي أنت وعيالك .
نهى محتدة وهي تحملها ذنب فراقهما جوز مين ناصر طلقني وكله من تحت رأسك ورأس تحكماتك في وأوعي تفكري أني هاسمح لك تتحكمي في تاني.
دعاء محاولة التظاهر بالقوة مش بمزاجك يا حلوة طول ما أنت في بيتي هتفضلي تحت رجلي ياما تطلعي بره.
نهى بهستريا وقد فر تعقلها بعدما رأت اصرارها على امتهانها الذي ولد نفوره منها الشقة دي أصلا شقة أبويا وده بيتي أنا مش بيتك أنا مش هبلة أنا عارفة أن لي نص البيت ده.
دعاء متهكمة فالحة قوي وعارفة حقك بس يا خسارة بعد ما اخده الغراب وطار وهتترمي زي الكلبة في الشارع.
نهى منفعلة بغل تريد أن ترى الحسړة يعينيها كما تجرعتها منذ سفره لا يا دعاء مش أنا اللي هترمي في الشارع حتى لو البنك باع البيت هيخصم مديونيته ويرجع مبلغ مش قليل أنا لوحدي لي نصه يعنى أقدر اشتري شقة لي ولولادي لكن نصيبك أنت هيبقى