الجزء الاول بقلم أماني السيد

جاد تاعب قلبى ومصمم برضو يخطب البت السكرتيره اللى عنده دى 
زيدان سبيه يعمل اللى عايزه ابنك كلامه من دماغه عكس اخواته مش بياخد رأى حد 
دهبيه ده حتى رفض يمسك معاك المحلات وفتح الشركه اللي هو كان عايزها وبعد كده فتح المصنع اللي هو عايزه وقلنا ماشي مستقبله وبيبنيه المهم انه بيعمل حاجه بيحبها اشترى شقه بره ورافض يقعد معانا هنا في البيت زي اخواته ورغم كده انت هودته مع اني كنت معترضه بس قلنا بعد كده خليه براحته انما بقى الجواز من البنت السكرتيره دي لا يا انا يا هي
زيدان هتعملي ايه يعني ابنك بقى راجل مش عيل صغير هتقوليله ده صح وده غلط

دهبيه راجل على نفسه لكن مهما كبر هيفضل ابني ما يكبرش عليا واخواته ما عملوش معايا ربع اللي هو عمله 
زيدان طيب ليه ما تدخلتيش بجوازه اخوه بيجاد 
دهبيه لان بيجاد اختار صح 
زيدان يا خوفى لتكونى واخده مقلب في بيجاد 
دهبيه لا ده بيجاد ده اللى مريح قلبى ومفرحنى دايما 
زيدان فى سره. ربنا يستر
دهبيه وبعدين اشرقت ما شاء الله عليها ادب وجمال واخلاق ونسب 
زيدان اشرقت مافيش غبار عليها وعلى تربيتها 
دهبيه نفسى جاد يتجوز واحده زى باسمه كده اخت اشرقت بنت جميله ومؤدبه وروحها هاديه ومتدينه دى اللى هتعدله 
زيدان ابنك استحاله يوافق ولو وافق هيبهدلها معاه وهنخسرهم ابعديه عنهم احسن خلينا محافظين على علاقتنا بالناس
دهبيه عندك حق باسمه خسارة فيه مع انى متاكده لو شافها من غير نقاب هو اللى هيجرى وراها 
زيدان دهبيه افتكرى اننا مش عايزين نخسر الناس دى كفايه بيجاد 
دهبيه طيب بقولك ايه تعالى بدرى انهارده من الشغل عشان عزماهم كلهم انهارده ولادك واجوازتهم ويونس ومراته 
زيدان حاضر يا ستى طلباتك اوامر مع السلامه
بعد نزول زيدان اتصلت دهبيه بوجد بنتها
وجد الو يا ماما عامله ايه
دهبيه عامله ايه يا حبيبتي طمنيني عليكى 
وجد انا بخير الحمد لله
دهبيه مالك يا وجد صوتك مش عجبنى هتخبى عليا 
وجد بعياط أبيل يا ماما بيخونى وهيتجوز عليا 
دهبيه وانتى عرفتى منين 
وجد زيد ابنى كان بيلعب بتليفون ابوه واللعبه قفلت ادانى التليفون عشان اشغلهاله تانى لقيت النتفكيشن رساله بتقولوا حجزت شهر العسل يا حبيبتي اجهز نفسي لقتنى ڠصب عني فتحت الشات وشوفت كل حاجه البيه مظبط معاها هيتجوزوا الشهر الجاى وهياخدها ويسافر شهر عسل شوفتى يا ماما 
دهبيه طيب بصى يا حبيبتى اعتبرى نفسك ماسمعتيش حاجه وهاتى الولاد وتعالى اقعدى عندى يومين تلاته
وجد وهو البيه هيوافق 
دهبيه اه المره دى هيوافق وفى سرها عشان يخلاله الجو 
اعملى بس زى مابقولك تعالى بولادك اقعدى عندى يومين ومتتكلميش في حاجه خالص
وجد حاضر يا ماما هحاول وربنا يصبرنى على القهره 
دهبيه معاش ولا كان اللى يقهرك يا حبيبتي هستناكى على الغدا ونسهر سوا بعد كده نتكلم انا وانتى 
وجد حاضر يا ماما مع السلامه
دهبيه مع السلامه يا حبيبتي
عند الباشا جاد  
دخل الشركة بكل وقار وهيبه ووراه السواق بتاعه شايل الشنطه بتاعته وسط همس الموظفين
دخل المكتب الخاص بيه وقابل السكرتيره بره قبل مايدخل جوه مكتبه وقالها بجديه هاتى الايميلات اراجعها واخدت الشنطه من السائق والسائق انصرف 
ايلا السكرتيره . جمعت الملفات ودخلتها لجاد وبتقرب تسلمهمله في ايده ولما جه يمسكهم راحت شتيلاها بسرعه 
بصلها جاد بجديه وبعدين ضحك جامد مره واحده
ايلا شكلك وحش وانت جاد اوى
جاد بثقه بذمتك شكلى وحش 
ايلا وانت بتضحك احلى مش تبوز تانى ولا اقولك خليك كده واضحكلى انا بس 
جاد امرك يا ستى نضحكلك انتى بس 
ايلا بقولك ايه هتغدينى فين انهارده
جاد فى مكان عمرك ما هتتوقعيه 
ايلا ازاى يعنى 
جاد خمنى لو عرفتى ليكى هديه 
ايلا فى مطعم من المطاعم 
جاد لا 
ايلا فى كافتريا
جاد لا 
ايلا الشارع
جاد فكرى تانى وتانى وتانى معاكى لاخر اليوم 
ايلا طيب غششنى 
جاد يبقى الهديه ضاعت 
ايلا لا خلاص انا هفكر تانى 
جاد تمام يلا روحى على مكتبك عشان انا اكمل شغل بقى
عند وجد 
وجد بقولك يا ابيل ماما عايزانى اقعد عندها يومين بالولاد بعد عزومه الغدا انهارده ينفع 
أبيل بدون اهتمام ماشى روحى هتقعدى كام يوم
وجد يومين تلاته كده 
ابيل ماشى ماشى محتاجه فلوس
وجد لا شكرا متنساش تيجى بدرى عشان نروح العزومه سوا 
ابيل حاضر حاضر مع السلامه
سابها ونزل ودخلت وجد غرفتها ټعيط 
عند بيجاد 
اشرقت صباح الخير يا حبيبي
بيجاد صباح الخير يا حبيبتي
اشرقت محضرالك الفطار اللى بتحبه فول وطعميه سخنه محشيه وبتنجان مخلل بيتى والعيش انا عملاه بنفسى طازه تحب ازود حاجه تانيه
بيجاد باس ايديها لا يت حبيبتي تسلم ايدك
هعدى عليكى بدرى انهارده عشان نروح نتغدى عند ماما
اشرقت انا هسبقك وهنزل اجهز معاها الغدا واطلع البس واستناك ننزل سوا 
بيجاد طيب ما تريحى يا حبيبتي انتى سهرانه مع النونو طول الليل 
اشرقت لا يا حبيبي انا كويسه
بيجاد براحتك انا بعمل على راحتك انتى ماما عندها اللى يساعدها 
خلص بيجاد الفطار ونزل على شغله وهو فى الطريق اتصل على 
بيجاد الو يا علا 
علا ايه يا قلبى جاى انهارده هستناك
بيجاد لا انا مش جاى انهارده ولا بكره ماتستننيش انا عند ماما انهارده وبكره اجازه هقضيه في البيت
علا طيب وانا مش من حقى كمان ابقى معاك انت ناسى انى مراتك زيها 
بيجاد مش عايز افتح كلام في الموضوع ده دلوقتي سامعه
علا ماشى يا بيجاد براحتك خالص 

عند جاد بيكلم مامته في التليفون 
دهبيه الو يا حبيبي عامل ايه
جاد الحمد لله يا حبيبتي
دهبيه بقولك ايه اوعى تتاخر انهارده على العزومه 
جاد ويا ترا مين جاى 
دهبيه حمات اخوك وجوزها وبنتها واخواتك كلهم بمراتتهم واجوازتهم 
جاد طبعا وباسمه من ضمن الحضور 
دهبيه وانت مالك ومالها 
جاد يا ماما 
دهبيه لا دماغك متروحش بعيد باسمه مش استايلك اصلا وانا بصراحه يا حبيبي مش عايزه اخسرهم عشان اطلبها ليك 
جاد وهى تطول اصلا 
دهبيه من جهه تطول فهى تطول احسن الناس ادب ومال وجمال وتربيه وما شاء الله على اختها اشرقت سبحان الله فى ادبهم واخلاقهم 
جاد طيب اعملى حساب ايلا عشان هاجبها معايا
جاد ماما اعملي حساب ايلا على الغدا
دهبيه وماله اعمل حسابها طبعا تنور المهم انك متتاخرش 
جاد حاضر يا ست الكل مش هتاخر انا
بعد شويه عند دهبيه نزلت اشرقت عشان تساعدها
دهبيه يا اهلا يا اهلا الشمس اشرقت بدخول اشرقت وسند بيه 
اشرقت ازيك حضرتك يا طنط انا حبيت انزل بدرى عشان لو محتاجه مساعده
دهبيه منحرمش منك يا حبيبتي عندى البنات جوه بتساعدنى لكن لو حابه تشاركى معانا وتسلى نفسك فيلا بينا 
دخلت اشرقت ودهبيه المطبخ لتجهيز الغدا وبعد شويه الباب رن وكانت وجد 
دهبيه اهلا يا قلب امك عامله ايه
وجد بخير الحمدلله على كل شيء
دهبيه خشي كده غيري هدومك وتعالي حضري معانا الغداء اشرقت مرات اخوكى جوه في المطبخ تعالي اقعدي معانا انا وبليل لينا قاعده مع بعض 
وجد حاضر يا ماما
بصتلها دهبيه وهي ماشيه وهزت راسها بضيق واعتراض
وجد دخلت تساعدهم وجهزوا كلهم الغداء واشرقت سابتهم وطلعت عشان تلحق تجهز نفسها قبل جوزها ما يرجع وسابت ابنها لحماتها 
دهبيه لوجد مش هتقومي يا وجد عشان تلحقي تظبطي نفسك كده قبل جوزك ما يرجع
وجد مش مستاهله هو كده