حل إجباري
ده انا هستنى خطيبتي يعني هستناها
مكملش الجمله وكان البوليس حاوط المكان
نغم بصتلو بيأس ودموع وريان اټصدم حرفيا والبوليس اخدو هو ونغم على القسم
في القسم كان ريان ساكت بحزن هو والضابط عمر بيقول..انت ازاي تهرب كده ..انت اثبت كل الچريمه عليك..لولا ان خطيتك بلغت عنك مكناس هنعرف نوصلك
ريان اتنهد وقال...انا ..انا مش قادر اتكلم...تقدر تعمل الي تشوفه مناسب
ريان بصلها بدموع وعمر اندهش قال..انتي عارفه عقوبه البلاغ الكاذب..خصوصا في حالة دكتور زي ريان ..ده يعتبر تشهير
نغم قالت بدموع عارفه ومستعده لاي عقاپ
عمر استغرب وقال..ايوه يا ريان بس ده هيأثر على شغلك و
بس ريان قاطعو وقال ارجوك يا عمر...لو سمحت خلص الوضوع ده من غير ما يحصل لها حاجه...ارجوك
عمر اتنهد وقال..اكتب يا ابني
بعد كام يوم كان ريان في البيت بتاعو بيشرب قهوتو وبيبص من اطلاله القصر بشرود
ريان بصلو وقال..احم..هيه مين
ابوه ابتسم وقال..الي من ساعة ما جيت وانت لسه معاها ومش بتفكر غير فيها
ريان قال احم..مش فاهم تقصد ايه يا بابا
محمود ابتسم وقال..اقصد ان الواحد مش شرط يحب ويتعلق بشخص كامل..مش شرط يشبهو في التعليم والمركذ..مش شرط ابدا..القلب بيحب من غير اي اذن يا ريان
ريان قال..لا مقدرتش اكملو.. اول مره دموعي تغلبني بالشكل ده
محمود قال..نغم هتتجوز واحد من منطقتها انهارده اسمو..امام تقريبا..قالت كده في الفيديو
ريان قال بزهول..ايه
ابوه شغل الفيديو وريان شافها في الفيديو والمزيع بيسأل ممكن ترجعي تضايقي دكتور ريان تاني
ريان قفل التليفون وطلع جري وكانت هايدي جايه تشوفه وقالت..ريان ارجوك خلينا نتكلم
ريان وقف بضيق وقال..هايدي..
مبقاش فيه حاجه ممكن اتكلم معاكي فيها..انتي الي اخترتي متثقيش فيا ابدا..مش بس كده سلمتيني باديكي من غير حتى ما تسمعيني...وانا بشكرك على الي عملتيه عرفني قد ايه كنت مخدوع لما افتكرت انك بتحبيني
هايدي قالت بدموع..بس انا بحبك بجد يا ريان
ريان قال بسرعه..لا مش ده الحب..انا ..انا عرفت يعني ايه الحب...شوفتو في عيون عشقتني مش بس حبتني..خلاص يا هايدي .مبقاش عندي قلب ليكي
ريان قال كده وطلع بسرعه بالعربيه
عند نغم كانت لبست الفستان وقاعده بحزن وجات مرات ابوها اخدتها للعريس لأمام الي كان مبسوط جدا
نغم كانت عيونها مليانه دموع وقاعده جمبه بحزن واضح..بس اتفاجأو بالبوليس اقتحم المكان وقال...فين نغم فكري
نغم استغربت ووقفت وقالت..انا حضرتك
الضابط قال..اتفضلي معانا..مطلوب احضارك
في القسم الضابط دخل نغم وكان معاها عريسها واهلو ونغم اتفاجأت بريان قاعد مع عمر وقال..هيه دي حضرتك..هيه دي الي سرقتني
نغم اتسعت عنيها بزهول وهيه مش فاهمه ابدا وريان غمز لها بابتسامه جميله
نغم ابتسمت وقالت بسرعه...ايوه..ايوه حضرتك انا فعلا سړقتو
اهل امام قالو..هيه دي عروستك يا حيلتها...مش كفايه سيرتها الي على كل لسان كمان حراميه..اطلع قدامنا يلا
امام حاول يفهمهم انها بتكدب بس اهلو اخدوه ومشيو بيه وهما بيزعقولو ومش مصدقينه
عمر ضحك وقال...هنفتح محضر ولا ..المسروقات رجعت كده
ريان وقف وبصلها بابتسامه جميله وقال..لا خلاص كده رجعت
نغم مكانتش مصدقه ابدا وريان مسك ايدها وخرجو ماسكين ادين بعض
قدام القسم وقفو ونغم قالت..انت عملت كده ليه..انا مش فاهمه حاجه
ريان اتنهد وقال بابتسامه..قولت اردهالك بس
نغم ابتسمت وقالت..انا..انا مبسوطه قوي..ونزلت دموعها وقال..كنت ممكن اموت نفسي لو اتجوزتو
ريان قرب منها وقال..انتي ليا انا وبس...مش هتتجوزي غيري..معقوله اسيب الحب ده كلو لحد تاني..طب واحمد والياس مينيجبهم
نغم ضحكت من قلبها وقالت..بعشقك يا ريان بحبك اوي
ريان اتنهد بارتياح وقال..وانا بمۏت فيكي وفي شقاوتك وحلاوتك..وفي حبك الي اسرني..يا نغم عشقت الحانو
نغم ابتسمت وهيه طايره من السعاده وريان قال..ابقى فكرينا كل عيد جواز نجي نحتفل هنا عند عمر..مكان مناسب بالنسبالنا
تمت بحمد الله
كنتم مع حب اجباري بقلم زهرة الربيع...زهرتكم تحيكم ودمتم في امان الله مع من تحبون
