رواية أنت نوري

ايه 
ابو رقية يا ابني احنا فين وانت فين 
بدر انا يشرفني نسبكوا يا حاج قولت اية 
ابو رقية الرأي رأي رقية طبعا دي حياتها هي ها يا بنتي رأيك ايه 
رقية هو انا بحلم 
بدر لا يا رقية دي حقيقة وانا نفسي تكملي باقي حياتي وانتي معايا 
رقية بكسوف اللي يشوفه بابا انا موافقة عليه 
بدر قولت اية يا حاج اهي رمت الكورة في ملعبك 
ابو رقية علي خيرة الله يا ابني انا مش هلاقي احسن منك اديله بنتي بس بعد اذنك هي لازم تمشي معايا تطلع عروسة من بيت ابوها وقدام كل الناس 
بدر طبعا يا حاج محدش يقدر يتعدي الأصول وهيتعمل لرقية فرح هناك عشان أهلها وناسها وانك تكون متشرف قدام كل الناس وراسك مرفوعة فعلا لأنك تستاهلها بتربيتك لبنتك اللي ماشوفتش في حياتي زيها ولا في اخلاقها وفرح هنا في القصر وطبعا وكل أهلها مدعوين في القصر يحضروا الفرح وكل حاجة تحتاجها رقية انا اللي هاقوم بيها وكتب شيك بمليون جنية واداه لابو رقية وقالة دا مهر رقية ومتصرفش منه حاجة عليها لاني متكفل بكل حاجة خليه معاك انت يا حاج اعمل بيه اللي انت عايزة 
ابو رقية لا يا ابني انا مش محتاج فلوس الحمد لله مستورة 
بدر يا حاج بقولك دا مهر رقية هتاخده يعني هتاخده 
ابو رقية طيب اذا كان كدا سبني انا
يوسف واقف ھيموت من الغيظ والقهرة ان خطتة فشلت وان رقية راحت منه 
ابو رقية اخد بنته ركبوا العربية اللي خصصها بدر ليها 
وبدر قال ليوسف انت بقي مشوفش وشك تاني طول حياتي والا هخليك ټندم علي اليوم اللي اتولدت فيه واحمد ربنا اني سبتك تمشي عايش غور ويوسف جري من قدامه 
عدي اسبوع كانت رقية مابتنمش فية من كتر الفرحة وانها مش مصدقة انها تتجوز حبيبها بدر اللي كانت شيفاه حلم بعيد بالنسبالها واتصلت بنهال صاحبتها وحكتلها وعزمتها وعزمت كل صاحباتها وكانت طايرة من الفرح في نفس الوقت بدر كان بيجهز للفرح وبيجهز القصر واتصل بحازم وعزمه علي الفرح 
حازم يا ابن اللذينا انت وقعت في الفخ الف مبروووك يا صاحبي والله فرحتلك ربنا يسعدك 
وجه يوم الفرح وكان اسعد يوم في حياة رقية وبدر واتعمل لرقية اكبر فرحين واحد في بلد اهل رقية والتاني في
القصر وانتهي اليوم بكل سعادة وطلعت رقية مع جوزها بدر اوضتهم رقية جاية تدخل اوضتها بدر قالها استني انتي تدخلي كدا رقية قالتلى اومال هعمل اية بدر راح شايلها رقية بكسوف ندهت اسمة وراحت حاطة راسها علي كتفة بدر نزلها علي السرير وقعد قدامها علي الأرض ورفع وشها بايدة وقالها نورتي قصرك يا احلي عروسة شافتها عينيه من دلوقتي انا والقصر وكل حاجة ملكي هي ملكك 
ابتسمت رقية وقالتله دا انا اللي كلي ملكك وسنين عمري كله فدي ليك 
بدر سألها بتحبيني 
رقية بصتلة وقالتله انا بدوب في التراب اللي بتمشي عليه 
بدر كل الحب دا في قلبك ليا 
رقية واكتر كمان ربنا يقدرني واقدر اسعدك يا أغلي حاجة في حياتي صباح الغد 
دادة سعاد طلعت ليهم الفطار وكانت بتزغرط 
رقية دادة فين كاميليا قالتلها هفطرها تحت يا حبيبتي 
رقية لا يمكن لازم تطلع تفطر معانا وافطرها بايدي زي ما انا معوداها 
رقية لبست الروب وكانت نازلة بدر راحة فين قالتله رايحة اجيب كاميليا 
بدر قالها انتي عروسة !! بعد اذنك يا دادة هاتي كاميليا وإللي تقول عليه رقية من دلوقتي يمشي من غير ما ترجعيلي هي بقت ست البيت خلاص 
دادة سعاد ربنا يهنيكوا يا ابني ويرزقكوا الذرية الصالحة 
في عالم موازي لعالم بدر ورقية كان حازم بيكلم نهال في التليفون بيقولها صباح الخير 
نهال ايوة يا مزعج 
حازم بقي كدا 
نهال مش كفاية فضلت لازق جنبي طول الفرح ومش عايزني اتحرك 
حازم اعمل اية انا بغير عليكي والله ما عارف انا مالي انا مكنتش كدا انا مكنش بيفرق معايا حد قبل كدا 
نهال نعم بتغير علي مين انت تقربلي اية اصلا اخويا قريبي خطيبي مثلا 
حازم ايوة هكون خطيبك اية ماغيرتيش من صاحبتك وعايزة تتجوزي زيها 
نهال بكسوف انت بتقول اية 
حازم مش شايف يعني لسانك الطويل اول مرة الاقيكي ليدي كدة يعني وراح ضاحك 
نهال بس بقي 
حازم ممكن تحددي لي ميعاد مع باباكي اصل انا مستعجل الصراحة 
نهال بكسوف وضحكة بسيطة هفكر 
حازم انتي تطولي يا بايرة وبيضحك 
نهال بقي كدا طيب مش موافقة 
حازم طيب اروح انا اخطب اي موزة من اللي كانوا في الفرح 
نهال اية دا انا كنت قتلتلك 
حازم الله وانتي مالك انتي مش رفضتي 
نهال لا يعني بتقل عليك عشان تتحايل عليا شوية عموما هكلم بابا وارد عليك باي 
حازم باي كدا حاف 
نهال وبعدين معاك بقي باي يا مزعج 
في القصر بدر قضي احلي شهر عسل مع رقية اللي أصرت تاخد كاميليا معاهم وكل يوم بدر كان بيزيد حبه لبدر وهو بيشوف رقية بتعامل كاميليا احسن معاملة بحب وكأنها امها اللي خلفتها ورقية كانت