سلسلة عندما يعشق الرعد الجزء الاول رواية رحم للإيجار بقلم ريحانة الجنه

هتقولي مش هستني
استنيت ياااما كتير
مافيهاش بعدين ولا يوم تاني ضيعت معاك كل زماني لو قلبك مبقاش علشاني قول وانا هبعد عنك حالا
عدي مفهاش بعدين ولا يوم تاني قوليلي عايزاني ولا لا
هنا رمت نفسها في حضنه. عايزاك ومش عايزة غيرك. وعمري ما حبيت غيرك والله
عدي ضمھا ليه بحنية. وطبطب عليها. طيب فيه ايه ليه بتبعدي يا هنا. اعمل ايه تاني علشان اطمنك.

هنا اتنهدت. خلاص يا حبيبي اوعدك يومين كدة وكل حاجة تخلص
عدي بخبث. يومين يومين
هنا ابتسمت. اممم. يعني ادعي كدة
عدي اوعي يكون اللي فهمتوا
هنا هزت راسها بخجل
عدي اتنهد لا اذا كان كدة نستني بس بشرط ترجعي تقعدي معايا هنا
هنا بتوتر طيب ما تيجي تقعد معايا هناك احسن
عدي يا هنا ده بيتنا. وكمان كل حاجاتي هنا انا نفسي اعرف ليه مش عايزة تقعدي هنا
هنا ولا حاجة خليها بظروفها يالا قوم خد حمام وانا ححضرلك الاكل ماشي
عدي ابتسم وباسها ماشي
وعدي يومين بعد رجوع همس لرعد. ورعد وهمس كانوا في دنيا تانية. كانوا مش عارفين يشبعوا من بعض ولا يروا عطش البعد والفراق. ورعد كان تقريبا حابس همس. مش بس في القصر لا ده داخل اوضتهم كمان. همس من وقت ما دخلت معاه وهي مخرجتش من الاوضة.
وفي صباح يوم جديد رعد صحي وفتح عنيه وبص علي همس اللي نايمة جنبه. وابتسم بحب وشوق وكأن همس لما رجعت نورت حياته من تاني. اخيرا رجعت لحضنه اخيرا. هيصحي علي وجودها وينام علي وجودها في حضنه.
رعد. قرب منها وابتسم اكتر لما لقي شعرها الاسود مغطي وشها كله. والمفرش كمان اللي مغطيها لونه اسود. والجزء البسيط اللي ظاهر منها كأنه بينور.
رعد اتنهد. اااااه يا همس اهو انا حياتي ودنيتي كانت مظلمة زي المفرش ده تمام. ومنورتش الا بوجودك جنبي. زي ما لونك منور وسط سواد المفرش ده.
همس ابتسمت
رعد هههههه. مكارة صاحية وعاملة نفسك نايمة
همس فتحت عنيها. اصل انا اصلا كنت صاحية قبلك. وقاعدة ابص عليك. ولما لقيتك بتتقلب عملت نفسي نايمة.
رعد ضغط علي شفايفة. وقربها لحضنه. وكنتي قاعدة تبصي عليا ليه
همس اممم. انت كنت قاعد تبص عليا ليه
رعد علشان وحشاني ووحشتني ملامحك ونفسي اشبع منك. بعد فراقك اللي وجعني وتعبني
همس حطت ايديها علي وشه ومرارتها علي ملامحه. واتنهدت. انا كمان كنت بعمل كدة. كنت بتمتع بملامحك. انت كنت واحشني قوي صدقني. اوي
رعد بعتاب. علشان كدة سيبتيني اتعذب واتوجع. وانتي بتتفرجي عليا مش كدة
همس هتصدقني لو قولتلك. اني مكنتش عايزة ارجع وانا فيا اثر لاي چرح ولا حتي خدش صغير. علشانك انا كنت متأكدة. انك لو كنت شوفتني وقتها كنت هتتعب وتأنب نفسك پعنف
رعد يعني مع كل اللي عملته فيكي. كنتي بتفكري فيا.
همس هزت راسها ايوة. وكمان قبل ما انت تعرف الحقيقة. انا كنت عايزة ربنا يبرأني علشانك علشان ماتتوجعش. وتنجرح وانت فاكر اني خنتك زي مها. مع واحد ميسواش ظفرك
رعد بمرار. يااااااااه يا همس معقول. مكنش همك چرحك وتعبك وشرفك اللي اتطعن فيه. وكان همك الوحيد انا. بعد ما كنت هموتك بإيدي.
همس ابتسمت. بحبك اعمل ايه مش بإيدي. وكمان انا كنت زعلانة علي البيبي اللي راح
رعد حط ايده علي بطنها. وبحزن اسف. عمري ما كنت اتخيل اني اموت ابني بإيدي. بس للاسف الشيطان توفيق هو السبب. انا مش عارف مامتش ليه زي القطط بسبع ارواح
همس ربنا اللي هيخلص منه. كفاية انه بسبب الحاډثة جاله شلل. ومبقاش بيتحرك
رعد اتنهد بغيظ. رجله هي اللي اتشلت. لكن مخه الشيطاني لسة شغال. وهو ده اللي انا لازم اعمل حسابه.
همس هو ممكن يعمل حاجة تاني بعد اللي حصل
رعد بسخرية. ممكن ده اكيد. بس انا اصلا لسة حسابي معاه مخلصش. خصوصا بعد ما وهمني بمۏت امي سنين. وطلعت عايشة. واللي عمله معاكي وابني اللي ماټ بسببه. حسابه تقيل قوي يا همس. بس كفاية انه قريب قوي هيفلس. اسهم شركاته بعد الحاډثة كلها في الارض
همس حبيبي قولي انت هتبدي تدور علي ماما مشيرة امتي
رعد سند ظهره علي السرير واتنهد. مش عارف لازم الاقي خيط ابدأ منه. والخيط ده مش هلاقيه غير مع أمين وهو لسة في غيبوبة من يوم الحاډثة
همس ربنا ينجيه علشان تعرف منه اللي يريحك.
رعد سرح اااااه يا همس وحشتني. نفسي الاقيها وارمي نفسي في حضنها. يا تري حصلها ايه. وراحت فين. وليه محاولتش تسأل عني. ليه مفكرتش تجيلي وتقولي الحقيقة
همس متهيألي سؤالك مش محتاج ذكاء
رعد جز علي سنانه. عندك حق اكيد توفيق هو السبب. زي ما بعدها عن ابويا من قبلي بعدها عني
همس طيب حبيبي انا عايزة ننزل نفطر في الجنينة زهقت من قاعدة الاوضة
رعد تؤتؤتؤ. مفيش خروج انتي ناسية انك متعاقبة ومحپوسة
همس هههههههه. طيب حرام عليك كفاية عقاپ بقي تعبتني
رعد ابتسم. بعينك ده انا لسة يادوب بخلص منك عقاپ بعدك لمدة يوم واحد. احسبي بقي عليكي قد ايه
همس كل ده وبتخلص يوم. حرام عليك انا كدة هولد وانا لسة في فترة العقۏبة
رعد ههههههه. وحضنها بقوة واتنهد. وحشتيني يا بنت اللذين ووحشني الكلام معاكي.
في الوقت ده تليفون رعد رن... عدي
رعد طيب بذمتك مش غيتت
همس ههههههه. معلش رد عليه
رعد بنفاذ صبر. امري لله.... الو ايوة يا غلس. انت بتتصل ليه مش انا قايلك. متتصلش بيا لمدة اسبوع
عدي يا عم الخلبوص انت اتهد بقي. ده انت حتي تعبان وخاج من مصېبة ومع ذالك خاربها
رعد اتلم بدل ما المك. فاهم. وانطق عايز ايه
عدي ماشي هتلم. وبعدين انا اصلا بتصل عايز همس
رعد بعصبية. نعم يا خفيف عايز مين
عدي ايه عايز همس. عايز اسألها علي حاجة
رعد جز علي سنانه. انت بتستهبل بقي متصل بيا علشان تقولي عايز همس. وانا ايه قرطاس قاعد
عدي يا اخي افهم بقي هسألها علي حاجة بخصوص هنا. بطل بقي غيرتك دي. انت مفيش فايدة فيك مش هتتغير ابدا
رعد انت اللي دمك بارد يعني انا اتصل بيك واقولك هات مراتك اكلمها
همس يا حبيبي ممكن تهدي بطل عصبيتك دي. خلينا نشوف عايز ايه.
رعد لا بجد. حضرتك عايزة تكلميه
عدي يا الله يا ولي الصابرين. ارحم خلي ربنا يرحمك. بص هقولك افتح الاسبيكر وخلينا اكلمها ممكن
رعد مسح وشه بنرفزة. وداس علي الاسبيكر. اهو شغلت الزفت اتهبب انطق
عدي بصوت مازح. ازيك يا ست الكل عاملة ايه
رعد فتح عنيه وجز علي سنانه
همس بتكتم ضحكتها. الحمد لله يا عدي انت عامل ايه وهنا
عدي عامل ايه. جالي تلبك معوي. الهانم كانت عايزة تعمل بيزا زي اللي انتي عملتيها. ومش قادر اقولك كانت عاملة ازي. وطبعا كان لازم اكل مفيش مفر
همس ههههههه. معلش بكرة تتعلم
عدي والله رعد ده بيضالوا في القفص. معاه طباخة 7 ستار
همس شكرا يا عدي ده من زوقك
رعد پغضب. لا وربنا ما اجبلكم اتنين ليمون بالمرة
عدي احمم. اسف يا رودي. بصي يا همس
رعد قبل ما تنطق ورب الكعبة يا عدي لو قولت رودي دي تاني ابلعك لسانك انت سامع
عدي