قصة هالة كاملة بقلم رحمه

تجنن.. انا بعشق السى فود.
كان هيبدأ ياكل لحد ما وصلته رساله فى الوقت ده.
هاله شوف رسالة مين دى قبل ما إيدك تتبهدل فى الأكل.
كنت عارفه انها رساله من رقم جوز مى الى يعتبر صاحبه.. بعتتها له فى الوقت ده عشان يفتح موبايله.
و فعلا فتحه و قالى و هو بيبص فيه ده جوز مى صاحبتك بيقولى عامل ايه و أخبارك.. مش وقته مش وقته السى فود أهم.
قبل ما يقفل التليفون بسرعه رحت عملت نفسى بحطله من شوربة السى فود فى طبقه.. وقعت عليه كتير 
قام صړخ اااااه.. مش تاخدى بالك...حرقتينى و بهدلتى البنطلون 
بصيت على الموبيل الى كان منور و قولت له يا نهار ابيض.. طب أجرى بسرعه على الحمام نضف البنطلون.
جرى بسرعه و أنا مسكت موبيله و بالبرنامج الى نزلناه أنا و مى وصلت تليفونه بتليفونى و بعدها رجعت كل حاجه زى ما كانت بسرعه و هو رجع و كملنا أكل.
بعد ما خلصنا.
حازم إيه ده انتى رايحه فين
هاله راجعه الشغل.. انا كنت مستأذنه ساعه بعد ساعة البريك عشان اجى اتغدى معاك بس لازم أرجع تانى دلوقتي.
حازم تمام.
هاله و انت هتروح فين
حازم أااا.. هيكون فين يعنى.. انا كمان هرجع الشغل.
هاله أمممم.. طب ما تكلم صاحبة الشغل بما إنك على علاقه كويسه معاها و تاخد النهاردة اجازه.
حازم علاقه كويسه.! قصدك ايه بالكلام ده.
هاله و مالك اټخضيت و ارتبكت كده.. انا قصدى أن فى مجال مل بينكم للكلام و هات و خد .. خلاها كمان عزمتك أنت و مراتك في شقتها و لا كان بيتها ده و لا ايه.
حازم أاا.. لا.. أحمم.. لأ... دى مجرد عزومه بتشكرنى على مجهودى.. مش أكتر يعنى و بعدين ابنها هو الى بقا بيدير كل حاجه دلوقتي.
هاله إبنهااااا.. هى عندها ولد.. هممم.. انا قولت كده بردو.. شكلها كبيره.... بس قولى يا حازم المكان إلى روحناه ده بيتها. شكلها شقه مفروشه.
حازم انتى مش كنتى بتقولى متاخره على شغلك... يالا عشان ما تتأخريش أكتر.
هاله ايوه صح... سلام.
فى الشركه الى بشتغل فيها.
فى الحمام كنت واقفه برجع و مى جنبى بتساعدنى أغسل وشى.
مى مش مصدقه بجد... الله يكون في عونك... إيه كمية البلاوى الى لاقيناها ما بينهم دى.. كلام خارج و صور قذره .. إيه ده.
هاله ده غير إن البيه على علاقه قذره معاها و حصل ما بينهم حاجه.. كتير... أكتر من مره
مى طب مبدئيا أهدى... اهدى كده و خلينا تفكر هنعمل ايه... تعالى نطلع من هنا عشان نقدر نتكلم.
خرجنا و قعدنا فى عربية مى.
مى أول حاجة بسم الله الرحمن الرحيم كده ناخد نسخه من كل الصور و المحادثات و الفيديوهات الى مابينهم ... و بعدها نحدد أنتى عايزه إيه.
هاله مش عارفه.. مش عارفه.
مى لأ... فوقى كده معايا و إجمدى مش وقت صدمات خالص دلوقتي... انتى لازم تقررى انتى عايزة إيه و ناويه على ايه عشان نختار السكه الى هنمشى فيها.
هاله انا مصدومه يا مى.. حاسه قلبى هيقف كان بيسبنى انا و بنته عشان يروح يتفسح و يخرج مع واحده أد امه و لا يمكن أكبر.. ما هى مش مابين عليها سن من الشد و النفخ.. انا كنت فاكرها بالكتير فى أواخر الاربعين بس ده طلع عندها إبن و كبير.. لدرجة أن هو الى بيدير الشغل الى حازم شغال فيه ... الواطى خلانى اصرف على البيت لحد ما بقاش معايا اجيب لنفسى طقم جديد وسط صحابى .. ده غير الضړب و الذل و الاهانه و الخناق... و لا بنتى... بنتى الى خلانى ارميها في الحضانه عشان افضل اروح الشغل و هو يصرف مرتبه كله على الهانم.
مى بس لأ.. لأ يا هاله .. حازم مش مصاحب ست إد امه عشان يصرف هو عليها و إلا كان صاحب بت من سنه.. و دول كتير اوى.
هاله قصدك إيه
مى قصدى انه مرافق الست دى عشان يستفيد منها و ياخد مش يدى و لا يصرف ..
هاله ياخد يودى فين.. ده مش بيصرف على البيت إلا القليل و تقريبا عايش سفلقى على قفايا و أنا بصرف مرتبى كله على البيت.. ده انا بتشعبط فى الاتوبيسات عشان مش بيتفضل معايا اركب تاكسى رغم أن مرتبى كبير . . انتى نفسك منه قدرتى تجيبى عربيه بالتقسيط.
مى ما هو ده الى ياما قولته لما لسانى طلع فيه شعره 
هاله كان عندك حق بس أعمل إيه كنت بحاول أحافظ على بيتى... انا عندى طفله كنت عايزاها تتربى وسط ابوها و أمها.
مى و انتى شايفه إن الاحسن لبنتك تعيش مع اب كل همه نفسه و راميها فى الحضانه مع الدادات من و هى عمر شهور عشان تفضلى تشتغلى و تجيبى له فلوس... و لا الاحسن لبنتك تعيش مع اب بيضرب أمها و قدام عينها لحد ما يربى لها عقدة من البيت و الرجاله كلها... ضړبك قبل كده و لا لأ يا هاله 
هاله حصل.
مى ده غير إن أنا بصراحة شاكه إنه بيحوش.. عنده رصيد في البنك يعنى.
هالة إيه تفتكرى 
مى هنعرف.
هالة أزاى بس مافيش اى بنك هيوافق يخرج معلومات عن العملا بتوعه .
مى ما إحنا مش هنعرف من البنك.
هاله أمال منين.
مى أنا هقولك
وصلت البيت و حاولت تبان عادى جدا عشان كل حاجه تمشى صح
و بعد يومين بالظبط.
كان قاعد بيتفرج على التلفزيون جنبها هى و البنت 
جاتله رساله ف فتحها و اټصدم.
هاله خير يا زومى... فى حاجه يا حبيبي
وقف بسرعه و قال ها.. لا.. لأ و لا حاجة.. انا جالى تليفون شغل مهم هروح ارد عليه و أجى.
هاله طب ما ترد هنا 
حازم ما عشان زن البنت.
مشى بسرعه.. نيمت البنت و روحت وراه... سمعته و هو بيتكلم فى التليفون.. كان بيسجل ريكوردات على واتساب .. جريت بسرعه جبت موبايلى عشان اسمعها.
سوزان فى رقم خ بعتلى صور و فيديوهات من الى بنا.
حازم ايه... صور و فيديوهات إيه الى وصلتك.
سوزان يعنى انت مالكش اى علاقه بالى حصل
حازم لأ طبعا ماليش أى علاقة... أنا جالى رسايل زى زيك حالا... استنى حتى هبتعلك اسكرين شوط بالمحادثه 
بعتلهل فعلا الرسايل بالصور.
سوزان يا نهار ابيض.. ده هو نفس الرقم الى بعتلى .. مين ده... و يعرف الى بينا منين .. و لا عايز ايه أصلا.
حازم إهدى.. إهدى عشان نقدر نفكر و نتصرف.
سوزان أهدى.. أهدى ايه.. الحاجات دي لو وصلت لابنى و لا لعيلة ابوه هتبقى مصېبه.. مصېبه كبيره.. انا هتفضح ... هو أصلا شاكك فيا بقاله فتره 
حازم و أنا.. ما أنا هروح فى ستين داهيه.. ابنك واصل و علاقاته ممكن تودينى ورا الشمس بكلمه واحده منه.
سوزان طل ايه.. هنعمل ايه.. يا دى المصېبه... يا دى المصېبه.
حازم قولت لك أهدى.
سوزان أهدى إزاى احنا فى كارثه.
حازم لازم نهدى عشان نقدر نفكر و نشوف مين الرقم ده.. بتاع مين و عمل كده