الجزء الاول بقلم منى الفولي

أنت راجل متجوز وعندك بيت وتقدر تعزمه الزيارة هناخدها لكن مش هينفع نعزمه عليها أنا هاوضب لكم غدا حلو وكمان هاجيب زيارة حلوة تديهاله يديها للحاجة وهو رايح لها المرة الجاية هي دي الأصول.
نظر اليها سليم بافتتان وتوهجت عينيه من فرط السعادة فهي كل يوم ترغمه على احترامها اكثر وبناء لبنة جديدة في صرحها المشيد حديثا بقلبه براحتك أعملي اللي شايفه مناسب .
سلمى ببساطة خلاص أخر النهار أجيب طلبات العزومة وأشتري هدية الحاجة بالمرة.
سليم مواربا بطلبه منتظرا ردها وياريت تشتري هدوم زي ما اتفقنا على الأقل حاجة مناسبة تتغدي بيها معنا.

سلمى مكملتا تناول طعامها وبلامبالة وأنا هتغدى معكم ليه ده صاحبك أنت وجاي لوحده مش معه مراته ولا حاجة يبقى الطبيعي أنكم تتغدوا لوحدكم وأنا هاسلم واجهز الأكل على السفرة وأدخل أوضتي.
سليم ناظرا للملعقة التي توقفت بطبقه مضيقا عينيه عادي بس أفتكرت يعني عشان أنتم أصحاب من المستشفى زيي أنا وهو.
سلمى مستنكرة بإستياء صحاب أيه بس يا سليم أساسا مفيش حاجة أسمها صحوبية بين راجل وست وبعدين الوضع مختلف أنت كنت في مصحة خاصة يعني العدد قليل والدكتور بيشرف على عدد محدود من المرضى وعنده وقت ياخد ويدي معهم لكن أنا كنت في المستشفى الحكومي والعدد كبير جدا والدكاترة قليلين وتقريبا بيشوفونا بالعافية مش يقعدوا يصحبونا والأهم من ده أنه عندكم كان في قسم الرجال وأنه يصاحب أي حد منكم ده عادي لكن عندنا كان مسؤول عن الستات ولو أتلاحظ أنه بيتكلم مع حد زيادة هتبقى مش كويسة في حقه ودكتور سيف راجل محترم ومش هيحط نفسه في موقف زي ده.
ابتسم سليم بانتشاء فقد وصل لمأربه خلاص اللي أنت شايفة أنه صح ويريحك أعمليه.
ترددت سلمى قبل ان تسأله يعنى أي حاجة أشوفها صح وهتريحنا أعملها ولا دي بس 
ستقتله تلك الجنية يوما ما لا محالة فمبادراتها لا تنتهي واقتراحاتها لا تنضب فرد مقهقها ربنا يستر ناوية على أيه المرة دي يا سلمى.
سلمى مترجية بصراحة ناوية على حاجة كبيرة قوي ومينفعش تبقى مفاجأة زي الكرسي المرة دي لازم تقتنع وتوافق.
سليم مقطبا ما بين حاجبيه حاجة أيه دي موضوع الكرسي كان فكرة حلوة فعلا بس معتقدش أني ناقصني حاجة تاني أنا عايش كده كويس جدا.
سلمى وقد خبت حماستها قليلا فهي تتمنى منه ان يقوم بما لا تقوى هي على فعله تتمنى ان تتجاوز محنتها وتقوي نفسها ولكنها اضعف من ان تخطي خطوة واحدة بطريقها الذي تتمناه وهاهي تحاول ان تحقق ما تتمنى مع سليم فعلى أحدهما ان يكون أهلا لمواجهة الشارع ومن فيه على أحدهما ان يكون عونا للاخر وهي ستكون عونا له هون داخل جدران تلك الشقة حتى يخرج ليصبح عونا لها خارج تلك الجدران فردت معاتبة عايش أه بس مش مفروض أنك تبقى عايش بس مطلوب منك أنك كمان تتعايش مش المفروض أن لما يحصل لنا مشكلة أو حتى مصېبة أننا نركن على جنب نتفرج على الدنيا وهي بتجري من حوالينا المفروض نجري معاها ونعمل كل اللي نقدر عليه عشان حياتنا تبقى أنسب لظروفنا الجديدة مشيرة لكرسيه الجديد الكرسي ده مثلا موجود من أول ما أنت اتصبت كان ممكن تشتريه من وقتها وكان هيسهل عليك حياتك وتبقى مش معتمد على حد اعتماد كليي ليه حرمت نفسك من كل ده من الأول.
سليم معترضا بروح يائسة خانعة حياة أيه اللي هاجري معاها وأنا مش قادر أمشي أصلا اللي زيي حلهم المۏت وعشان حرام أسعى له أديني مستنيه.
سلمى محتوية مشاعره المضطربة أستغفر الله العظيم يا سليم لو حلك المۏت كان ربنا كتبهولك وموتك المشكلة في الأفكار اللي مليت دماغنا من غير ما نحس أي قصة أو فيلم لازم البطل المبتلى يفتح أو يمشي أو تحصل معجزة ويخلف عشان النهاية تبقى سعيدة مستنكرة وكأن مينفعش تبقى سعيدة حتى في وجود الأبتلاء ده مع أن الحقيقة مش كده خالص وياما ناس نجحت وهي لسه مصاپة وغيرهم أبتلاءهم كان هو سبب نجاحهم.
سليم مستاءا لإشاراتها لإستسلامه وضعفه وأنا أيه في أيدي أعمله عشان أبقى بتعايش من وجهة نظرك.
سلمى متفهمة ومشجعة عارفة أنك أنسان ذكي جدا اتكيفت مع ظروفك ووفرت لنفسك دخل محترم وحتى لما مرتحتش في شقتك مهتمتش بكلام الناس وقعدت في المكان اللي لاقيت فيه راحتك مستهجنة لكن ممكن أعرف واحد عنده مشاكل في طلوع السلم أيه اللي يقعده في شقة في الدور الرابع من غير اسانسير.
يا الله على هذه الرقة وهذا الحنان وكيف أختصرت شلله وعجزه التام لمجرد مشكلة في صعود الدرج حدث نفسه بهذا وقد نسى ضيقه من اتهامها له بالتخاذل أمام أختيارها المراعي للكلمات وأسلوبها المحبب للنفس.
سليم مستعطفا وأنا في أيدي أيه بس يا سلمى.
سلمى مشجعة وقد لمست منه بصيصا من امل كل حاجة يا سليم كل قرارات حياتك في أيدك أنت تقدر تبيع الشقة دي وتشتري شقة في دور أرضي وتخرج وتيجي براحتك من غير حبستك دي.
سليم متوترا وملوحا بيده ذهابا وايابا لا طبعا أنا مش عايز أخرج ولا أقابل حد أنا مبسوط كده.
سلمى بآسى ليه بس كده يا سليم أنت بتضيع أحلى سنين عمرك في وهم وانتظار حاجة ربنا بس اللي عارف ميعادها.
سليم بحسم من فضلك يا سلمى أقفلي الموضوع ده نهائي على الأقل دلوقتي وأنا لما الاقي نفسي هاقدر أخرج واقابل حد هاعمل ده من نفسي.
سلمى شاردة بحزن وقد آفل بصيص الامل الذي تأملته براحتك يا سليم.
استمر شرودها وحزنها طوال فترة تناول الغداء وما تلاها حتى حان موعد نومهما تمدد على سريره بعد أنتقاله من كرسيه.
سلمى بابتسامة حزينة تصبح على خير يا سليم.
سليم مستاءا أيه يا سلمى هتفضلي مبوزة كده علطول مكنتش أعرف أنك من الستات اللي لو جوزها ما سمعش كلامهم تقلب وشها وتنكد عليه.
سلمى نادمة ومعتذرة لا والله أنا أسفة لو كنت ضايقتك أنا مش قاصدة أنا بس خيالي كان سرح بيا شوية لحاجة كده وأتأثرت لما بعدت عني.
سليم بفضول حاجة أيه دي.
تفاجأت سلمى من كلامه لا والله أنا أسفة لو كنت ضايقتك أنا مش قاصدة أنا بس خيالي كان سرح بيا شوية لحاجة كده وأتأثرت لما بعدت عني.
سليم متسائلا حاجة أيه دي.
سلمى تفرك يديها من فرط التوتر وتنظر اليهما أخاف أقولهالك تفهمني غلط تفتكر أني كنت باقنعك عشان مصلحتي أنا.
سليم مخففا عنها حتى تبوح بلا وجل لا يا سلمى أنا عارف أنك بتدوري على مصلحتي وهاصدق كل اللي تقوليه.
سلمى أطمئنت قليلا وبدأت تسرد له ما دار بخلدها كحلم راودها أنا لما فكرت في موضوع أننا ننقل لشقة أرضي كانت نيتي زي ما قولت لك أن حركتك تبقى