مش عايزه الفلوس ل منه العدوي
المحتويات
ما سمعت صوته ومع كل خطوة كانت دقات قلبي بتزيد أكتر وأكتر
بدأ يقرب هو كمان لحد لما وقف قدامي على بعد خطوات بسيطة وكانت الخطوات دي جات مني قربت منه ورفعت إيدي براحة ولمست وشه بدأت أحرك إيدي على ملامحه كان شكله متغير خالص عن أخر مرة شوفته فيها شعره طول نوعا ما دقنه موجود بس بسيط أستايل لبسه دا..دا اتغير خالص!
قاطعت كلامه وأنا بحضنه بكل قوتي وكأن في شيء هياخده مني همست وأنا ببكي بصوت متقطع
سيف أنت مش متخيل قد أي أنت وحشتني وحشتني أوي يا حبيبي.
بادلني الحضن وهو بيقول
وأنت كمان..وحشتيني.
شهقاتي زادت وأنا بسمع صوته قد أي كان واحشني صوته وريحته وشكله وكل شيء فيه فضلت كدا في حضنه لفترة طويلة طويلة أوي هو مش متخيل أنا كنت محتاجة الحضن دا قد أي بعدني عنه شوية وهو بيبتسم
ضحكت وأنا بمسح دموعي بلهفة
حالا خمس دقايق وتلاقي الأكل قدامك تكون غيرت هدومك.
هز راسه بهدوء ودخل وخلال الخمس دقايق كان الأكل جاهز لقيته خارج من الأوضة فابتسم لما شافني وقرب قعد على الكرسي فبدأت أحط قدامه الأكل بشغف
أنا عملت ليك كل الأكل اللي بتحبه أنت مش عارف أنا كنت مستنية اليوم ده قد أي كنت بخطط له من زمان عارف أنا عملت ليك الوافل اللي أنت بتحبه بل وغرقته شوكلت كمان زي ما بتحب..عارف يا سيف الأكل كان من غيرك مفيش له طعم.
طول عمرك رغاية يا نورا بس تسمحيلي نتشارك الأكل دلوقتي وبس ممكن!
ضحكت على كلامه
ممكن طبعا..دا أنا عيوني ليك.
يا سيف بقى.
لفلي بعصبية
أنت أي يا شيخة مبتزهقيش قولت لاء يعني لاء مش فاضي.
انتفضت من نبرة صوته وهيئته كان مخيف وهو متعصب كنت أول مرة أشوفه كدا هو يمكن كدا من ساعة لما رجع بس كانت عصبية خفيفة الدموع اتجمعت في عيوني
غرز صوابعه في شعره وشده بضيق وهو بيحاول يهدى
وأنا قولتلك كام مرة إني مش فاضي وتعبان أي هو لازم ھتموتي يعني لو مخرجتيش.
دمعة فرت من عيني فنزلت وشي لتحت عشان ميلاحظش
خلاص أنا أسفة بس متتعصبش.
بصلي وهو بياخد نفسه بسرعة مسح وشه وبصلي لثواني وبعدها كان أخد المفتاح وخرج وهو بيرزع الباب وراه بقوة
متزعليش يا نورا هتلاقي بس في حاجة عصبته فطلع عصبيته فيك.
بصيت حواليا فلمحت تليفونه ناسيه كان باين إنه بيرن بس معمول هزاز قربت منه وأخدته فكانت مامته بتتصل مسحت دموعي وفتحت وأنا بضحك
فوفة بتتصل وحشاني والله يا فوفة وبعدين أخص عليك يعني بتكلمي ابنك وأنا لاء طيب أنا زعلانة بقى.
قموصة هانم أخبارك أي يا جزمة أنت.
كشرت
طيب مش هرد عشان أنا قموصة بقى.
ضحكت
طيب خلاص ولا تزعلي نفسك دا أنت حبيبتي حبيبتي.
اه كلي بعقلي حلاوة.
وهو حد يقدر دا أنت اللي بتضحكي على الكل بكلمتين يا بكاشة..ألا قوليلي بقى زعلانة من الواد ابني ليه عملك أي الواد ده.
بلعت ريقي وحاولت أخلي الموضوع بهزار
لا سيف دا أصلا سكر ميقدرش يزعلني دا أنا اللي بخاف عليه مني لأزعله.
سمعت تنهيدة منها
عليا أنا برضه طيب وصوتك اللي واضح منه إنك معيطة يا بت دا أنا عارفاكي..لسه برضه تصرفاته متغيرة معاكي زعق فيك
متابعة القراءة
