مش عايزه الفلوس ل منه العدوي
المحتويات
في حاجة زي دي.
هز راسه بنفي وكمل
مبهزرش أنا أصلا بحبها من زمان وعشان كدا سافرت خطبتها من أبوها هو مصري بس سافر هو وأهل بيته يعيشوا برا فترة يشتغل فيها ورجعوا بلدهم تاني معايا..
سافرت عشانها يا ماما وأشتغلت عشانها برضه.
بصت له بزهول وعدم تصديق
أنت أكيد اټجننت.
لف وشه الناحية التانية وكمل
وعشان الجنان يكون على أصوله فأنا كمان ناوي أتجوزها أخر الأسبوع ده.
لا أنت مش طبيعي وبعدين نهاية الأسبوع ده إيه قصدك إنه بعد بكرا.
مردش فكانت هترفع إيدها وهتمدها عليه لكنها نزلتها بسرعة أول ما سمعت باب الأوضة بيتفتح
فوفة عملتلك عصير الفراولة اللي بت..
بصت ليهم باستغراب
في أي مالكم!
ابتسمت بتوتر وهي بتقرب منها وبتاخد كباية العصير
مفيش يا حبيبتي دا أنا كنت هجيلك حالا.
يعني مفيش حاجة.
طبطبت على كتفها
يعني هيكون فيه أي متشغليش بالك أنت
ابتسمت وقربت من سيف ومديت له كباية عصير كان هيرفض بس أخدها بضيق لما شاف نظرات والدته
تسلم إيدك يا نورا.
ابتسمت بتوتر
احم طيب هسيبكم مع بعض شوية.
خليك يا نورا أنا كدا كدا كنت خارجة عشان هريح شوية من المشوار ده.
خليك يا فوفة لو عايزة تقعدي معاه لوحدكم.
لا يا نور عيني أنا أصلا كنت خارجة.
هزيت ليها راسي بابتسامة بسيطة
بصيت لسيف بتوتر بعد ما والدته خرجت
في حاجة اعملهالك
هز راسه بالنفي فاتنهدت بضيق وسكتت
أنت مش عارفة أنا فرحان قد أي أنا حاسس إن الدنيا مش سايعة فرحتي في اللحظة دي
ابتسمت له وهي بتمشي إيديها في شعره بعشوائية
تعرف إني بحبك
ابتسامتة وسعت ولكنه ابتسم بغرور بعدها
بصت له بغيظ ونغزته في جنبه بقوة فضحك على شكلها فشاركته الضحك
وأنا مش محتاج أقولها للمرة اللي معرفش عددها عشان أنت أكيد عارفة..عارفة إني بحبك حب يكفي العالم كله.
نهى كلامه وكان في نفس اللحظة حاضنها بقوة وبيلف بيها
الموسيقى أشتغلت في نفس اللحظات كانت نظرات الحب باينة بوضوح في عيونه ليها شاركها الرقص وسط عليتها هي وبس!
عمو أتفضل دا.
بص تحته فشاف طفل صغير ماسك شيء ملفوف في إيده وبيمده له اخده منه وبص له باستغراب
أي دا يا..
الولد الصغير رفع كتفه له بجهل
محمد يا عمو ومش عارف والله بس في طنط جات ادتهوني وشاورت عليك عشان اديهولك
ماشي يا محمد تقدر تروح أنت.
فضل باصص للشيء الملفوف دا لفترة وفتحه بفضول
مكنش موجود فيه شيء غير سي دي كان هيسيبه على جنب ولكن شاف ورقة صغيره مكتوب فيها
أتمني إنك تشوفه ومتهملهوش
بص على الورقة بتعجب ولكن قرر إن يشوفه دخل أوضتها بعد ما عرف منها إن فيها الاب توب بتاعها فتحه وركب فيه السي دي فبدأ يحمل بص له بملل وكان هيسيبه ولكن..
السي دي اشتغل عيونه وسعت وبص بزهول للشاشة
سيف مبارك يا عيوني مبارك عليك حبيبتك ومراتك..أي متبصليش كدا پصدمة مستغرب من اللي أنا بقوله
عيونها دمعت ولكنها ضحكت وهي بتكمل
أنا بس أكتشفت إني كنت مغفلة مغفلة أوي وأنا موقفة حياتي لسنة كاملة سنة كاملة بحس فيها بالوحدة والحزن سنة كاملة مستنية فيها رجعتك بفارغ الصبر كنت مغفلة أو ممكن نقول بقى إني كنت معمية..معمية بحبك أنا أسفة أسفة إني كنت بحاول أفرض نفسي عليك أسفة إني مقدرتش أفهمك أسفة إني كنت السبب في بعدك
متابعة القراءة
