مش عايزه الفلوس ل منه العدوي
المحتويات
وقت بتكون تعبان وعايز تنام بس بتقعد معايا كنا بنتشارك تفاصيل يومنا بس..
أنت قولتلي لما تسافر وتشتغل وتجمع فلوس دا هيوفرلك وقت أكتر بس فين دا أنا مش عايزة فلوس مش عايزة شيء غير وجودك جنبي.
بص ليا بملل وبص في ساعة إيده
ها خلصتي لو خلصتي ياريت تطلعيلي لبسي.
بصيت له بزهول مش معقول يكون دا سيف بدأت أبكي بهستيرية
قاطعني وهو بيزعق بصوت عالي عالي لدرجة رعبتني
أي خلاص بقى أنت قرفتيني كل شوية عياط عياط مبتعمليش حاجة في حياتك غير إنك ټعيطي.
سيف أنا..
قاطعني وهو بيهزني من أكتافي بقوة
سيف سيف سيف قرفتي سيف في حياته أكبري بقى يا شيخة ومتبقيش عاملة زي العيال الصغيرة أنا مبقتش طايقك بسبب عياطك كل شوية.
نهى كلامه وهو بيبعد عني وبياخد نفسه هدي شوية وكمل
بصيت على أثره بزهول مش عارفة أي اللي جراله هو ليه بقى كدا!
قعدت على الأرض وضميت نفسي وأنا ببكي في صمت وكلامه ليا بيتكرر في دماغي هه ما أنا مبعرفش أعمل حاجة غير إني أعيط ضحكت للحظة من وسط دموعي وأنا بفتكر أول مرة بكيت فيها قدامه
يا نورا..نورا أنت بټعيطي!
أنت كويسة حد عملك حاجة في حد زعلك طيب أنا زعلتك في حاجة.
هزيت له راسي بلاء من وسط دموعي فمسك إيدي بين إيده اللي بتترعش
طيب أنا أسف لو زعلتك بس متعيطيش أنا مش بحب أشوف دموعك خلاص أنا هطلع برا لو أنا اللي مزعلك..في حاجة بټوجعك طيب نروح نكشف
ضحكت من وسط دموعي على شكله وهو متوتر كان باين عليه القلق ومش عارف يتصرف كان لطيف خالص هزيت له راسي ومسحت دموعي
بصلي بزهول
عشان كدا بټعيطي.
كنت على وشك إني أعيط تاني فأتكلم بسرعة
مش قصدي حاجة والله.
قرب مني وأخدني في حضنه
فداكي مية صنية مكرونة المهم أنت وبعدين عشان خاطر عيونك نجيب من برا عادي غيرها المهم إني مشوفش دموعك دي تاني.
مسكت في قميصه جامد
أي رأيك نعمل مكرونة بشاميل من تاني سوا
بعدت عنه وبصيت له بنص عين
بجد ولا بتضحك عليا.
مسكني من خدودي وضحك
وهو أنا أقدر اضحك عليك برضه..رغم إني تعبان ومش قادر بس كله يهون عشان خاطر عيونك.
ممكن تفهمني متغير ليه مع نورا ليه معاملتك ليها بقيت كدا
قعد على السرير وهو بيقطم من الجزرة اللي في إيده
ماما ارجوكي مش عايز أتكلم في أي موضوع يخص نورا.
قربت ووقفت قدامه فضلت بص له بس لقيته مش مهتم سحبت منه الجزرة بنرفزة طفيفة
لاء هنتكلم ومفيش موضوع غيره هيتفتح أي اللي جرالك مكنتش كدا.
بص ليها بطرف عينه
أه يعني أنت جاية من سفرك مخصوص عشان كدا أصلا.
اتنهدت وهي بتسحب كرسي وبتقعد قدامه
يا سيف يا حبيبي هو أنا ورايا شيء أغلى منكم يعني لما أشوفكم في الحالة دي عايزني أقعد مثلا مكاني وأحط إيدي تحت خدي احكيلي مالك نورا ضايقتك في حاجة
بصت له بطرف عنيها
أوعي يا سيف تكون مضايق عشان موضوع الخلفة أتأخر متنساش إنك كن.
قاطع كلامها
لا يا ماما مش كدا.
امال!
أخد نفس عميق وزفره
من الأخر كدا يا ماما أنا بحب واحدة تانية.
برقت
نعم..سيف متهزرش
متابعة القراءة
