مش عايزه الفلوس ل منه العدوي

عنها الفترة دي كلها أسفة على كل حاجة..كنت داخلة يومها بالعصير بس سمعتك وأنت بتقول لمامتك إنك بتحب واحدة تانية صدقني مكنتش أقصد اتنصت عليكم أنا بس سمعتكم صدفة كنت مش قادرة أتحرك من مكاني وقتها فسمعت باقي كلامك أنا مكنتش عارفة أعمل أي وقتها بس كل اللي أعرفة إن مكنش ينفع أعرفك إني عرفت..عارف يا سيف أنا كنت زماني اختفيت من حياتك تاني يوم على طول بس..

خبت وشها بين إديها اللي كان متغرق بالدموعبكاها زاد وصوت شهقاتها علي وهي بتترعش هديت شويه بعد فترة فرفعت وشها وهي بتحاول تتكلم
بس أنا مقدرتش مكنتش قادرة أبعد بالبساطة دي قررت إني أفضل اليومين دول عشان أقضي وقت معاك ولو بسيط قبل ما أسيبك وفي نفس الوقت أنا..أنا كنت عايزة أشوفها كنت عايزة أشوف اللي قدرت ټخطف قلبك كنت عايزة أشوفها هي هتكون كويسة معاك ولا لاء طيبة وبتحبك فعلا وهتقدر تفرحك ولا لاء وبالفعل شوفتها أنا حاليا بسجل ليك الفيديو ده بعد ما شوفتك معاها كنت بتمنى نظراتك ولمعه عيونك دي تكون ليا وقت كتب الكتاب
ضحكت بهستيرية وهي بتحرك أديها بعشوائية
أنا كنت هطير من الفرحة وأنا شايفاك سعيد معاها كدا أنا ولأول مرة في حياتي أشوفك فرحان بالشكل ده هي قدرت وبجدارة تضحكك من قلبك أنت ضحكت معاها من قلبك وعيونك فيها حب وفرحة بيها لا توصف..هي قدرت تعمل اللي أنا مقدرتش أعمله قدرت وبجدارة تحصل على حبك
مسحت دموعها وهي بتكمل
منكرش إن في جزء جوايا حزين بل جزء كبير يحمل هم وحزن العالم كله هه دا إن مكنتش كلي حزينة بس أنا ضحكتك عندي بالدنيا وما فيها يا سيف عارف أنا كنت نفسي أسمع منك قبل ما أسيبك كلمة نور عيني أنت كنت دايما بتناديني بنور عيني أنت أصلا مكنتش بتنطق اسمي غير كدا كانت وحشاني أوي بس للأسف مقدرتش أسمعها منك
سكتت لثواني ولكنها مسحت دموعها بسرعة وهي بترسم ابتسامة مزيفة على شفايفها
أه صح أنا أسفة أسفة إني خليتك تشوف دموعي أنت أكيد مبقتش طايقني أكتر صح بس نعمل أي بقى أنا لسه زي ما أنا..زي الأطفال.
ضمت شفايفها وهي بتحاول تكتم دموعها
طولت عليك أنا أسفة بس هقول حاجة كمان معلش ووعد دي أخر حاجة.
حطت أديها على بطنها وهي بتضحك
رغم إن كل شيء بينا هينتهي بس في جزء بسيط مش هينتهي في حتة منك هنا في طفل صغير مع الوقت هيكبر ويفكرني بيك أنا عرفت بيه قبل ما فوفة تيجي بيوم بس قولت بما إنها جاية فهستني لما تيجي وأبلغكم سوا بحملي بس..يظهر إن مكنش فيه نصيب يظهر إن مكنش ليا الحق أفرح بس متقلقش أنا مش هحرمك منه زي ما أنا هكون أمه أنت كمان أبوه ليك الحق تشوفه وقت ما تحب
خد بالك من نفسك يا سيف وكل كويس ومتتعبش نفسك في الشغل كتير..أه وكمان سلملي على فوفة كتير وأحضنها مكاني وخلي بالك منها وقولها إن نورا بتحبك أوي..
بص هي دي أخر حاجة خلاص بجد وعد والله أه أنا مش هحرمك من ابنك بس أنا حاليا مش هقدر أفضل هنا أنا هكون سافرت أكيد خلال ما أنت بتسمعني دلوقتي بس ما سافرتش عند ماما أنا روحت مكان تاني مش حابة إني أروح لها عشان هي مش هتفهمني هه أنت عارف بقى ماما مش بتحب خړاب البيوت حتى لو دا هيجي على حسابي